1 րոպեի ընթերցում
ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Սիրիայում թուրքական զինված ուժերի կողմից իրականացվող «Ձիթենու ճյուղ» գործողության մեկնարկից ի վեր Աֆրինի շրջանում և հարակից գյուղերում մահացել է առնվազն 86 խաղաղ բնակիչ, իսկ 198-ը վիրավորվել են: Ինչպես հաղորդում է «Արմենպրես»-ը, այս մասին հայտնում է Սիրիայի պետական SANA գործակալությունը:
Լրատվամիջոցի աղբյուրի համաձայն՝ զոհերի և տուժածների շրջանում կան կանայք, երեխաներ և տարեցներ: Թուրքական զորքերի գործողությունները հասցրել են նաև նյութական վնաս և հանգեցրել են Աֆրինի գյուղերի միջև հաղորդակցության դադարեցմանը:
Ավելի վաղ արաբա-քրդական «Սիրիական դեմոկրատական ուժերը» (SDF) հայտնել էին, որ Աֆրինում խաղաղ բնակչության շրջանում գրանցված զոհերի թիվը 59-ն է, վիրավոր են 134-ը: