ՌԴ զինված ուժերը հայտնում է Սիրիան ամբողջությամբ ԻՊ-ից ազատագրելու մասին
1 րոպեի ընթերցում
![ՌԴ զինված ուժերը հայտնում է Սիրիան ամբողջությամբ ԻՊ-ից ազատագրելու մասին](http://armenpress.am/resized/480/static/news/b/2017/12/915158.jpg)
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Սիրիան ամբողջությամբ ազատագրվել է ահաբեկիչներից, «Իսլամական պետություն» ահաբեկչական խմբավորման բոլոր խմբավորումները ոչնչացվել են: Ինչպես փոխանցում է «Արմենպրես»-ը, վկայակոչելով ՏԱՍՍ-ը, այդ մասին հայտարարել է ՌԴ զինված ուժերի Գլխավոր շտաբի պետ, գերենալ Վալերի Գերասիմովը:
«Սիրրիայի տարածքում ԻՊ-ի բոլոր խմբավորումները ոչնչացված են, իսկ տարածքն ազատագրվել է»,- ասել է նա՝ ավելացնելով, որ այդ մասին ՌԴ նախագահ Վլադիմիր Պուտինին զեկուցել է ՌԴ պաշտպանության նախարար Սերգեյ Շոյգուն:
«Այսօր գերենալ Սուխելի ղեկավարած հարձակողական միավորումները և 5-րդ կամավորական կորպուսը ջախջախել են մնացած անօրինական զինված ուժերը Դեյր-էզ-Զորում և ազատագրել Սալիհիա, Էլ-Հրեյտա, Էլ-Կատյա և Մուսալահա բնակավայրերը: Այսպիսով, այսօրվա դրությամբ Սիրիայի տարածքում ԻՊ-ի վերահսկողության տակ մնացած տարածք գոյություն չունի»,- ընդգծել է Գերսիմովը: