Չինաստանում գործարկել են ջրածնով աշխատող աշխարհում առաջին տրամվայը
1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: ՉԺՀ-ի հյուսիս-արեւելքում գտնվող Հեբեյի նահանգի Տանշան քաղաքում առեւտրային շահագործման են հանձնել ջրածնային վառելիքով աշխատող տրամվայը: Այդ մասին, ինչպես տեղեկացնում Է «Արմենպրես»-ը, հայտնել Է «Սինհուա» գործակալությունը: Նոր փոխադրամիջոցի մշակողը China Railway Rolling Corporation (CRRC) կորպորացիան Է:
Տրամվայը շարժման ընթացքում աղտոտող նյութեր չի արտազատում: Վառելիքային տարրերի ներսում ռեակցիաի ջերմաստիճանը Ցելսիուսի 100 աստիճանից ցածր Է, ուստի ազոտի օքսիդ չի առաջանում: Աշխատող շարժիչներից միայն ջուր Է արտազատվում: Վագոնի հատակի եւ ռելսերի միջեւ տարածությունը կազմում Է 35 սանտիմետր, ինչը դյուրացնում Է ուղեւորների իջնելն ու բարձրանալը:
Լիցքավորումը տեւում Է շուրջ 15 րոպե, վառելիքը բավականացնում Է 40 կիլոմետր ճանապարհի համար: Տրամվայի առավելագույն արագությունը ժամում 70 կիլոմետր Է: Ջրածնային վառելիքի ստացման Էժան տեխնոլոգիան դեռ 2014 թվականի սեպտեմբերին ներկայացվել Էր շվեյցարացի գիտնականների կողմից: Նույն տարվա դեկտեմբերին Toyota Motor ճապոնական կորպորացիան ջրածնով աշխատող ավտոմեքենաների սերիական թողարկում Է սկսել: