2 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Էլեկտրոնային վճարումների՝ աշխարհում խոշորագույն PayPal ամերիկյան համակարգը հոկտեմբերի 25-ին հետազոտություն Է հրապարակել Չինաստանում թվային վճարումների մասին: Ինչպես հայտնել Է «Սինհուա» գործակալությունը, դրանում ասված Է, որ թվային վճարումների զարգացումը լուրջ ազդեցություն Է ունեցել Ասիախաղաղօվկիանոսյան տարածաշրջանի սպառողների եւ ձեռնարկատերերի ֆինանսական դրության վրա, եւ Չինաստանը առաջատարն Է թվային վճարումների բնագավառում:
Թվային տնտեսությունն արդեն դարձել Է Չինաստանի տնտեսական աճի կարեւոր շարժիչներից մեկը եւ երկիրը դարձրել Ասիայի եւ նույնիսկ ամբողջ աշխարհի առաջատարը «անկանխիկ հասարակության» ձեւավորման գործում:
PayPal-ի փաստաթղթում նշվում Է, որ հարցմանը մասնակցած չինացի սպառողների 86 տոկոսը հայտարարել Է, որ արդեն սկսել Է օգտվել թվային վճարային համակարգերից, եւ հարաբերակցությունն արդեն զգալի չափով գերազանցում Է Ասիայի 58 տոկոս միջին ցուցանիշը:
Հարցված չինացիների 48 տոկոսը նշել Է, որ Էլեկտրոնային փողերը եւ Էլեկտրոնային դրամապանակներն արդեն վճարման առավել հաճախ օգտագործվող ձեւն են դարձել առօրյա կյանքում: Հետազոտության մեջ ասված Է, որ Չինաստանն Էլեկտրոնային վճարումների զարգացման առաջատարն Է դարձել Ասիախաղաղօվկիանոսյան տարածաշրջանում:
Մի կողմից՝ չինական շուկայում Էլեկտրոնային վճարային գործառնություններն անընդհատ ու սրընթաց աճում են. 2006 թվականին Չինաստանում թվային վճարումների ծավալը հասել Է 5,5 տրլն դոլարի՝ մեծապես գերազանցելով տարածաշրջանի մյուս երկրների ցուցանիշները: Մյուս կողմից՝ Չինաստանի կառավարությունը եւ հսկիչ մարմինները կանոնավոր կերպով սահմանում են անհրաժեշտ իրավական նորմեր, իրականացնում են ֆինանսական հսկողություն եւ կառավարում, օժանդակում են ճյուղի Էկոլոգիական եւ առողջ զարգացմանը: