Չինաստանի կոմկուսը ձգտում Է ընդլայնել բարեկամների միջազգային շրջանակը

3 րոպեի ընթերցում

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Չինաստանի կոմկուսի Կենտկոմի միջազգային կապերի բաժնի վարիչի տեղակալ Գո Յեչժոուն, հոկտեմբերի 21-ին ելույթ ունենալով ՉԿԿ-ի 19-րդ համագումարի երրորդ մամուլի ասուլիսում եւ պատասխանելով լրագրողների հարցերին, նշել Է, որ հոկտեմբերի 18-ին համագումարի բացումից հետո ամեն օր շնորհավորական նամակներ են ստացվում արտասահմանյան կուսակցություններից, հայտնի քաղաքական գործիչներից, ներառյալ պետությունների ու կառավարությունների ղեկավարները եւ կոլեկտիվների ու կազմակերպությունների պատասխանատուները:

Նամակներում անկեղծ բարեմաղթանքներ են փոխանցվում եւ օգտակար առաջարկություններ արվում ՉԿԿ-ի եւ արտասահմանյան երկրների քաղաքական կուսակցությունների երկկողմ եւ բազմակողմ շփումների ընդլայնման վերաբերյալ: ՉԿԿ-ի Կենտկոմի գլխավոր քարտուղար Սի Ցզինպինը կուսակցության 19-րդ համագումարի բացմանը ներկայացրած զեկույցում արտասահմանյան կուսակցությունների եւ քաղաքական կազմակերպությունների հետ փոխանակումներն ընդլայնելու հստակ ձգտում Է հայտնել:

Ներկայում Չինաստանի կոմունիստական կուսակցությունը կանոնավոր կապեր Է պահպանում 160-ից ավելի երկրների ավելի քան 400 քաղաքական կուսակցությունների ու կազմակերպությունների հետ: ՉԿԿ-ն եւ Չինաստանի կառավարությունը մշտապես մեծ ուշադրություն են դարձնում հարեւան երկրների հետ կապերի զարգացման վրա. կանոնավոր սեմինարներ են կազմակերպում Վիետնամի կոմունիստական կուսակցության եւ Լաոսի Ժողովրդական հեղափոխական կուսակցության հետ, համագործակցության կոնկրետ միջոցառումներ են իրականացվում կադրերի պատրաստման հարցում, երկխոսություն են վարում Կորեայի աշխատավորական կուսակցության հետ, սերտ կապեր են պահպանում Մոնղոլիայի եւ Ռուսաստանի հիմնական կուսակցությունների հետ:

ՉԿԿ-ի եւ Ճապոնիայի կուսակցությունների միջեւ իրականացվող փոխանակումները չին-ճապոնական հարաբերությունների բնորոշ գիծն են դարձել: «Մեր կուսակցությունը նաեւ ավանդական բարեկամական կապեր ունի Կորեական աշխատավորական կուսակցության հետ: Ինչ մակարդակով եւ երբ տեղի կունենան փոխանակումները, որոշում են երկու կողմերը»,-հայտարարել Է Գո Յեչժոուն:

Չինաստանի եւ Ճապոնիայի կուսակցությունների միջեւ կապերի վերաբերյալ հարցին ի պատասխան Գո Յեչժոուն պատմել Է, որ ընթացիկ տարվա օգոստոսին Ճապոնիայում անցկացվել Է Չինաստանի եւ Ճապոնիայի կառավարող կուսակցությունների միջեւ փոխանակումների մեխանիզմին նվիրված վեցերորդ խորհրդաժողովը: Կողմերը ընդգրկուն երկխոսություն են վարել եւ ցանկություն են հայտնել՝ շարունակել Չինաստանի եւ Ճապոնիայի միջեւ հարաբերությունների բարելավումն ու զարգացումը:

Հայերեն Русский

Թուրքիայի ԱԳՆ-ն բարձր է գնահատում երկու հանցագործների արտահանձնման գործում Հայաստանի ցուցաբերած համագործակցությունը

Հրանտ Դինքի հիշատակը հարգել են այնտեղ, որտեղ նա սպանվել է 18 տարի առաջ

Շախմատի առաջնություններում կայացել են 6-րդ տուրի պարտիաները

Կազմակերպված հանցավորության մեջ ներգրավված երկու անձ Հայաստանից արտահանձնվել է Թուրքիա. ՀՀ ԱԳՆ

Վրացական իշխող կուսակցության պատգամավորը հայտարարել է, որ ընդդիմությունը ցանկանում է չեղարկել Guns N'Roses-ի համերգը

Մայր Տաճարում աղոթք է կատարվել Բաքվում պահվող հայ գերիների համար

Դոնալդ Թրամփը ողջունել է  ՀԱՄԱՍ-ի կողմից պատանդների ազատ արձակման մեկնարկը

ԱՄՆ-ում TikTok-ն անհասանելի է դարձել օգտատերերին

Վրաստանում մի խումբ ցուցարարներ են ձերբակալվել իրավապահների պահանջին չենթարկվելու համար

Իսրայելի ազգային անվտանգության նախարարը հրաժարական է տվել՝ ի նշան ՀԱՄԱՍ-ի հետ գործարքի դեմ բողոքի