2 րոպեի ընթերցում
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Պեկինի Ժողովրդական ժողովների տանը հոկտեմբերի 20-ին կայացել Է Չինաստանի կոմկուսի 19-րդ համագումարի Նախագահության երկրորդ նիստը, որը նախագահել Է Սի Ցզինպինը:
Ինչպես տեղեկացնում Է «Սինհուա» գործակալությունը, համագումարի պատասխանատու քարտուղար Լյու Յունշանը պարզաբանումներ Է տվել ՉԿԿ-ի 19-րդ գումարման Կենտկոմի անդամության թեկնածուների եւ թեկնածության թեկնածուների, ինչպես նաեւ ՉԿԿ-ի Կարգապահության ստուգման կենտրոնական հանձնաժողովի անդամության թեկնածուների առաջարկված ցուցակների վերաբերյալ:
Նիստում որոշում Է ընդունվել համագումարի բոլոր պատվիրակությունների քննարկման համար տարածել ՉԿԿ-ի 18-րդ գումարման Կենտկոմի զեկույցի, ՉԿԿ-ի 18-րդ գումարման Կարգապահության ստուգման կենտրոնական հանձնաժողովի աշխատանքի մասին զեկույցի եւ ՉԿԿ-ի Կանոնադրության ուղղումների վերաբերյալ որոշումների նախագծերը:
Նիստում որոշում Է ընդունվել քննարկման համար պատվիրակներին հանձնել ՉԿԿ-ի 19-րդ գումարման Կենտկոմի անդամության թեկնածուների եւ թեկնածության թեկնածուների, ինչպես նաեւ ՉԿԿ-ի Կարգապահության ստուգման կենտրոնական հանձնաժողովի անդամության թեկնածուների առաջարկված ցուցակները:
Նախագահության նիստում ընդունվել Է համագումարում ընտրությունների անցկացման կարգը, որը քննարկվել Էր բոլոր պատվիրակությունների կողմից: Նիստում նաեւ ընդունվել Է քվեարկության անցկացման հսկիչների ցուցակը, որը համագումարի հաստատմանն Է ներկայացվելու նախքան պաշտոնական ընտրությունների սկսվելը: