1 րոպեի ընթերցում
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը սեպտեմբերի 9-ին Մոսկվայում հանդիպում կունենա ՖԻՖԱ-ի նախագահ Ջաննի Ինֆանտինոյի հետ:
Ինչպես հաղորդում է «Արմենպրես»-ը, վկայակոչելով ՏԱՍՍ-ը, այդ մասին հայտնել է ՌԴ նախագահի մամուլի խոսնակ Դմիտրի Պեսկովը: Սեպտեմբերի 9-ին Մոսկվայում տեղի կունենա 2018թ. Ռուսաստանում կայանալիք ֆուտբոլի աշխարհի առաջնության արշավի մեկնարկի տոնական արարողությունը:
Դմիտրի Պեսկովը նշել է, որ Ինֆանտինոն նույնպես ներկա է լինելու Մոսկվայի «Լուժնիկի» մարզադաշտում կայանալիք միջոցառմանը: «Որքան գիտեմ, Ինֆանտինոն այդ օրը մարզադաշտում է լինելու, ուստի նրանք անպայման կհանդիպեն»,- ասել է ՌԴ նախագահի մամուլի խոսնակը: