Գեղարքունիքի մարզպետը Վարդենիկ գյուղում ծանոթացավ «Սարերի բարիք» ձեռնարկության աշխատանքներին

3 րոպեի ընթերցում

ԳԱՎԱՌ, 22 ՀՈՒՆԻՍԻ, ԱՐՄԵՆՊՐԵՍ : Գեղարքունիքի մարզպետ Կարեն Բոթոյանը Վարդենիկ գյուղ կատարած աշխատանքային այցի ընթացքում ծանոթացավ «Սարերի բարիք» նորաստեղծ ձեռնարկության աշխատանքներին: Ձեռնարկությունը հիմնականում զբաղվում է վայրի բանջարաբույսերի հավաքմամբ, վերամշակմամբ եւ իրացմամբ:

«Արմենպրես»-ի տեղեկացմամբ՝ ձեռնարկության համահիմնադիր Արտուշ Խաչատրյանը մարզպետ Կարեն Բոթոյանին ներկայացրեց ձեռնարկության գործունեության պատմությունը՝ նշելով, որ Եվրոպական Միության կողմից իրականացվող «Համայնքային զարգացումը սոցիալական ձեռներեցության միջոցով» ծրագիրն արդեն իսկ համայնքում խթանել է զբաղվածությունը՝ աշխատանքներում ներգրավելով նաեւ շրջակա համայնքների բնակիչներին։ «Տարբեր համայնքներից տասնյակ քաղաքացիներ հավաքում եւ համապատասխան գումարի դիմաց մեզ են հանձնում տարածաշրջանում աճող վայրի բանջարեղեն եւ ուտելի խոտաբույսեր՝ շուշան, ուրց, ավելուկ։ Մեր համայնքում այս գործով զբաղվում են մինչեւ 60 ընտանիք: Ստեղծել ենք նաեւ սառնարանային տնտեսություն, ուր պահպանում ենք հավաքած բերքը՝ ժամանակին իրացնելու նպատակով: Նաեւ իրացման շուկաներ ենք որոնում՝ պատվերներ ընդունելով մարզի եւ մայրաքաղաքի խանութներից, առեւտրային խոշոր կետերից: Մտածում ենք արտահանման ծավալներ եւ հնարավորություններ ապահովելու մասին, քանի որ օտար երկրներ բնակության տեղափոխված մեր հայրենակիցները շատ-շատ են կարոտում իրենց ծննդավայրում աճող վայրի բանջարեղենը, թեյատու բույսերը: Մեր նպատակները շատ են, ծրագրերը՝ բազմազան: Առաջին քայլերը հուսադրող են, որոնք մեզ ընդարձակվելու հնարավորություն են տալիս»,-պատմեց ձեռնարկատերը:

Մարզպետ Կարեն Բոթոյանը հետաքրքրվեց սույն ծրագրի ընդլայնման հնարավորություններով եւ պատրաստակամություն հայտնեց՝ հնարավորության սահմաններում աջակցություն ցուցաբերել ձեռնարկության հետագա ծավալմանը եւ զարգացմանը: «Օրեր առաջ մենք մարզպետարանում հասարակական կազմակերպությունների հետ հրավիրված հանդիպման ընթացքում տեղեկացանք, որ Վարդենիկ համայնքում նման ձեռնարկություն է բացվել եւ անմիջապես որոշեցինք տեղում ծանոթանալ ընդհանուր վիճակին: Ոչ միայն կփորձենք հնարավորինս աջակցել ձեռնարկության ընդլայնմանն ու զարգացմանը, այլ նաեւ այն օրինակելի դարձնել նաեւ մարզի մյուս տարածքների համայնքների համար»,-«Արմենպրես»-ի հետ զրույցում նշեց մարզպետը:

Աշխատանքային այցի ավարտին Կարեն Բոթոյանը խորհրդակցություն անցկացրեց Վարդենիկի գյուղապետ Հովիկ Հովեյանի եւ գյուղապետարանի աշխատակազմի եւ ավագանու անդամների հետ՝ քննարկելով համայնքի սոցիալ-տնտեսական եւ կրթամշակութային ուղղվածության մի շարք հարցեր։

Խոսրով Խլղաթյան

Հայերեն

Հյուսիս-հարավի Քաջարան-Ագարակ ճանապարհին թունելների հորատման աշխատանքներն ավարտվել են

Թրամփը Տակաիչիին հայտնել է Պուտինի և Սի Ծինփինի հետ եռակողմ բանակցությունների մասին

Թբիլիսիում գազի պայթյունից հետո փլատակներից դուրս է բերվել վեցերորդ զոհի մարմինը

Հայկ Մարտիրոսյանը «Total Chess»-ի հերթական խաղում հաղթել է հնդիկ գրոսմայստեր Արջուն Էրիգաիսին

Երեք գերտերությունների մոտ համատեղ գործելու ձգտում կա, սակայն դժվարություններն էլ շատ են․ Գարիկ Քեռյան

Ուիթքոֆն արդյունավետ է որակել Բեռլինում եվրոպացիների հետ բանակցություններն Ուկրաինայի հարցով

Ազգային ժողովի նիստ. ՈՒՂԻՂ

Երևանի քաղաքապետարանը սկսում է համագործակցություն SatisfAI-ի հետ. քաղաքային ծառայություններում կներդրվի արհեստական բանականություն

Նարեկ Մկրտչյանը Դոնալդ Թրամփի Մար-ա-Լագոյի առանձնատանը մասնակցել է Վետերանների ազգային օրվան նվիրված միջոցառմանը

Օլիմպիական վարկանիշային մրցաշարին Հայաստանից կմասնակցի 3 ծանրորդ