Հանրապետությունում առաջիկա օրերին սպասվում է առանց տեղումների եղանակ

ԵՐԵՎԱՆ, 29 ՓԵՏՐՎԱՐԻ, ԱՐՄԵՆՊՐԵՍ: Հանրապետության տարածքում մարտի 1-4-ն սպասվում է առանց տեղումների եղանակ, 5-ին առանձին շրջաններում սպասվում է անձրև:Քամին արևմտյան` 2-7 մ/վրկ արագությամբ:Ինչպես «Արմենպրես»-ին տեղեկացրին ՀՀ ԱԻՆ հիդրոօդերևութաբանության և մոնիտորինգի պետական ծառայությունից, օդի ջերմաստիճանը մարտի 1-3-ն աստիճանաբար կբարձրանա 4-6 աստիճանով:

Երևանում մարտի 1-4-ն սպասվում է առանց տեղումների եղանակ, 5-ին հնարավոր է անձրև: Մայրաքաղաքում մարտի 1-ի ցերեկային ժամերին կգրանցվի +20 աստիճան, մարտի 2-ին` +21, մարտի 3-4-ին` +22, մարտի 5-ին` +19 աստիճան: