1 րոպեի ընթերցում
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանական մամուլը հաճախ է անդրադարձել Ադրբեջանի կրթության համակարգի աղետալի վիճակի, կրթության ցածր մակարդակի, ուսուցիչների եւ աշակերտների անգրագիտությանը: Սակայն ադրբեջանական հասարակությանը ցնցել է մամուլում հայտնված մի լուսանկար, որում Բաքվի դպրոցներից մեկում ադրբեջանցի ուսուցչուհին դասարանում հայտնվել է SEX COP (սեռական ոստիկանություն) գրությամբ զգեստով:
Ինչպես հաղորդում է «Արմենպրես»-ը` վկայակոչելով ադրբեջանական ԶԼՄ-ները, ադրբեջանցիները հատկապես ցնցվել են այն բանից, որ «նմանը չունեցող զարգացում» ապրող Բաքվում ուսուցչուհին անգլերենի տարրական իմացություն չունի` հասկանալու համար, թե ինչ է գրված իր հագուստի վրա:
Ուսուցչուհու գրասեղանի հետեւում «Դասարանային անկյուն» ցուցանակի վրա գրված է. «Կրթությունն ազգի ապագան է»:
«Ինչպես կարելի է, որ ուսուցիչն այդքան անգրագետ լինի, ու չիմանա ինչ է կրում: Բայց չէ որ այդ դպրոցում անգլերենի ուսուցիչ էլ կա, մի՞թե նա էլ է այդքան անգրագետ», - զայրույթ է հայտնել ադրբեջանական մամուլը: