Վահե Սուքիասյանը՝ շախմատի Եվրոպայի մինչև 18 տարեկանների կրկնակի չեմպիոն

Հայաստանը ներկայացնող երիտասարդ ու պատանի շախմատիստները բացառիկ արդյունքներ են գրանցել Եվրոպայի տարբեր տարիքային առաջնություններում:

«Արմենպրես»-ի հաղորդմամբ՝ շախմատի միջազգային վարպետ Վահե Սուքիասյանը դարձել է 2026 թվականի շախմատի Եվրոպայի մինչև 18 տարեկան պատանիների չեմպիոն:  2025 թվականի հաջողությունը կրկնելով՝ նա երկրորդ տարին անընդմեջ նվաճեց Եվրոպայի չեմպիոնի կոչումը։ 

ՖԻԴԵ-ի վարպետ Տիգրան Համբարձումյանը դարձել է 2026 թվականի շախմատի Եվրոպայի մինչև 14 տարեկան պատանիների բրոնզե մեդալակիր:

Համբարձումյանը  9 հնարավորից վաստակեց 7 միավոր և կիսեց 3-4-րդ հորիզոնականները՝ լրացուցիչ ցուցանիշներով զբաղեցնելով 3-րդ հորիզոնականը։

Իսկ Նարե Իսախանյանը 2026 թվականի շախմատի Եվրոպայի մինչև 12 տարեկան աղջիկների փոխչեմպիոնն է:

Նա 9 հնարավորից վաստակեց 7.5 միավոր և կիսեց 2-3-րդ հորիզոնականները՝ լրացուցիչ ցուցանիշներով զբաղեցնելով 2-րդ հորիզոնականը։