1 րոպեի ընթերցում
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Թուրքիայի քրդական Ժողովուրդների դեմոկրատական կուսակցության առաջնորդ Սելահաթթին Դեմիրթաշը շտապ մեկնել է Բրյուսել՝ հանդիպելու Քրդստանի ժողովուրդների կոնգրեսի (Konga-Gel) համանախագահ Ռեմզի Քարթալի և Քրդական համայնքների միության (KCK) գործադիր խորհրդի անդամ Զուբեյիր Այդարի հետ: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:
Դեմիրթաշը չեղյալ է հայտարարել օգոստոսի 5-ին Անկարայում լրագրողների հետ նախատեսված հանդիպումը:
Նշվում է, որ քրդական կուսակցության առաջնորդի նման հրատապ մեկնումը պայմանավորված է Թուրքիայում տեղի ունեցող գործընթացներով, մասնավորապես Քրդական աշխատավորական կուսակցության (PKK) կողմից թուրքական պետության դեմ իրականացվող գործողություններով: