2 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: «Ռեինկարնացիա» խումբը գործարկեց «Հաուզ օֆ Ռեինքարնեշն» հավելվածը, որի շնորհիվ խմբի երկրպագուները կկարողանան հետևել խմբի գործունեությանը և անվճար լսել նույնիսկ դեռ չթողարկված երգերը: Այս մասին հուլիսի 24-ին հայտարարեց «Ռեինկարնացիա» խմբի մենակատար Ռոլանդ Գասպարյանը:
«Քանի որ մեզ մոտ միշտ առաջանում է հարց, թե ինչպես ավելի հեշտ, հարմար և անվճար հասցնել տեղեկատվությունը խմբի մասին, այդ իսկ առիթով «Կուբ» ընկերության հետ գործարկում ենք այս հավելվածը: Այն կգործի «Անդրոիդ» և iOS համակարգերի համար»,- հայտնեց նա:
Խմբի մեներգիչը հավելեց, որ նմանատիպ հավելվածները լայն տարածում ունեն Արևմուտքում, սակայն «Ռեինկարնացիա»-ի հավելվածըՀայաստանում առաջինն է իր տեսակով, և խմբի գործունեության մասին տեղեկատվությունը հասանելի կլինի ողջ աշխարհով մեկ:
«Այս հավելվածն իր մեջ կներառի համացանցային ռադիոկայան, որով կհեռարձակվեն խմբի ինչպես նոր, այնպես էլ այն երգերը, որոնք Ռոլանդը կցանկանա եթերում հնչեցնել», - ասաց խմբի պրոդյուսեր Արամ Սուջյանը:
Նա հավելեց, որ հավելվածը հնարավորություն կտա նրանց, ովքեր հնարավորություն չունեն ներկա գտնվելու խմբի համերգներին, տեղականալ առաջիկա համերգների մասին, ինչպես նաև այն կապահովվի համերգների կենդանի հեռարձակում: