Իսլամական պետության զինյալները կասկածվում են թունավոր գազ օգտագործելու մեջ
1 րոպեի ընթերցում
![Իսլամական պետության զինյալները կասկածվում են թունավոր գազ օգտագործելու մեջ](http://armenpress.am/resized/480/static/news/b/2015/07/812572.jpg)
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Ահաբեկչական «Իսլամական պետություն» խմբավորման զինյալները Սիրիայի քրդերի Ազգային ինքնապաշտպանության ջոկատների դեմ կիրառել են թունավոր գազ: Ինչպես հաղորդում է «Արմենպրես»-ը, այս մասին տեղեկացնում է Reuters-ը:
Ըստ լրատվամիջոցի տեղեկությունների՝ ծայրահեղականները հունիսի 28-ին և 29-ին գազային թունավոր նյութ են օգտագործել Հասաքա շրջանից հյուսիս-արևելք ուղղությամբ: Դեռևս հնարավոր չի եղել պարզել, թե ինչ գազատեսակ է օգտագործվել: Հարձակման հետևանքով տուժած մարդիկ ժամանակին տարվել են հիվանադանոց, ապա դուրս գրվել:
Ավելի վաղ լրատվամիջոցներում տեղեկություն էր տարածվել այն մասին, որ իսլամիստներն ինչպես Սիրիայում և Իրաքում, այնպես էլ քրդերի դեմ տարվող մարտերի ընթացքում կիրառել են քիմիական զենք: