1 րոպեի ընթերցում
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում մարտի 25-ին` ժամը 10.20-ին, ահազանգ է ստացվել, որ Երևանի Գրիգոր Լուսավորիչ փողոցում՝ Քաղաքապետարանի մոտակայքում, այրվում է «ՎԱԶ-2121» մակնիշի ավտոմեքենա: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է Բեյրութի փողոցում՝ Անգլիական այգու մոտակայքում: Հրդեհը մեկուսացվել է ժամը 10.31-ին, մարվել՝ 10.34-ին: «ՎԱԶ-2121» մակնիշի 77VQ779 պետհամարանիշի ավտոմեքենայի (վարորդ Ս. Գ., ծնված 1960թ.) շարժիչի հատվածում այրվել են ջրի խողովակները և էլեկտրական մալուխներ: