1 րոպեի ընթերցում
ԿԱՀԻՐԵ, 9 ՓԵՏՐՎԱՐԻ, ԱՐՄԵՆՊՐԵՍ: ՌԴ Նախագահ Վլադիմիր Պուտինը երկօրյա այցովժամանել է Եգիպտոս: Ինչպես հաղորդում է «Արմենպրես»-ը` վկայակոչելով «Ինտերֆաքս»-ը, նախատեսվում է, որ երեկոյան Պուտինն եւ Եգիպտոսի Նախագահ Աբդել Ֆաթահ աս Սիսին Կահիերում օպերա կդիտեն:
Երեքշաբթի առավոտյան կմեկնարկի ռուս եւ եգիպտացի առաջնորդների հանդիպման պաշտոնական արարողությունը: Նախատեսվում է, որ երկու երկրների առաջնորդների հանդիպումից հետո կստորագրվեն մի շարք փաստաթղթեր: Կարվի հայտարարություն լրատվամիջոցների համար: