2 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Սիրիան ՄԱԿ-ից պահանջել է պատժամիջոցներ կիրառել Իսրայելի դեմ` սիրիական տարածքները ռմբակոծելու պատճառով: Ինչպես հաղորդում է«Արմենպրես»-ը՝ վկայակոչելով արաբական լրատվամիջոցները, այս մասին նշվել էՍիրիայիՄԱԿ-ին ուղղված նամակում: Նաև կոչ է ուղղվել միջազգային հանրությանը և ՄԱԿ-ին` կատարել իրենց պարտականությունները և դատապարտել դաժան հարձակումը: «Անհրաժեշտ է անհապաղ քայլեր ձեռնարկել նման հարձակումներն արգելելու համար»,- նշվել է հայտարարության մեջ:
Սիրիայի կառավարությունը Իսրայելի քայլը որակել է որպես Սիրիայի հանդեպ հանցագործություն, ինչպես նաևաջակցությունահաբեկիչներին:
Իսրայելական օդային ուժերը դեկտեմբերի 7-ին ռմբակոծել են Դիմաս գյուղի խաղաղ շրջանները, որը գտնվում է միջազգային օդանավակայանի մերձակայքում: Բացի այդ, ռմբակոծվել է օդանավակայանի մոտ գտնվող զինապահեստը: Ռմբակոծությունների հետևանքով մարդկային վնասներ չեն գրանցվել, սակայն նյութական վնասները բավական մեծ են: Իսրայելական կործանիչները 6-ն են եղել, և դրանք շուրջ 10 հարձակում են իրականացրել:
Պայթյունների ձայները և սև ծուխը նկատելի է եղել շատ հեռվից:
Գյուղը գտվում է Դամասկոսից դեպի Լիբանանի սահման տանող ճանապահին: Տեղեկություններ կան, որ սիրիական օդային ուժերը պատասխան կրակ են բացել իսրայելական ինքնափռիների ուղղությամբ:
Իսրայելական լրատվամիջոցները հրաժարվել են մեկնաբանել լուրը: