2 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Թուրք-սիրիական սահմանի մերձակայքում գտնվող Քոբանի քաղաքում «Իսլամական պետություն» 16 ահաբեկիչներ են սպանվել քրդական ուժերի հետ բախումների արդյունքում: Քրդական աղբյուրների տեղեկացմամբ`կողմերի միջևբախումներն ընդհատումներով շարունակվում են: Ինչպես հաղորդում է«Արմենպրես»-ը՝ վկայակոչելով արաբական լրատվամիջոցները, Մարդու իրավունքների պաշտպանության մոնիթորինգի կենտրոնը տեղեկացրել է, որ միջազգային դաշինքը մի քանի օդային հարվածներ է հասցրել ԻՊ-ի դիրքերին:
Ավելի վաղ լրատվմիջոցները տեղեկացրել էին, որ քրդական ուժերը ազատագրել են քաղաքի մեծ մասը: Քաղաքի միայն 20 տոկոսն է մնում ԻՊ-ի հսկողության տակ:
Ավելի քան 2 ամիս շարունակվող բախումների ընթացքում Քոբանիում ահաբեկիչների գործողությունների զոհերի և վիրավորների թիվը գերազանցում է 3 հազարը: 180 հազարից ավելի քրդեր ստիպված փախուստի են դիմել քաղաքից և շրջակա գյուղերից: Քաղաքը կարևոր նշանակություն ունի կազմակերպության համար, քանի որ այն գրավելու դեպքում ԻՊ-ն վերահսկողություն կհաստատի Թուրքիայի սահմանի մերձակայքում` Հալեպի մարզի գրաված տարածքներից մինչև Ռակկայի մերձակայքում գտնվող Թել Աբյադ քաղաք: Քոբանին գտնվումէԴամասկոսից 532կմ հեռավորության վրա՝ Թուրքիայի սահմանի մերձակայքում: