Ենթակառուցվածքների ձևավորման նպատակով ՌԴ-ն դրամաշնորային միջոցներ կտրամադրի Հայաստանին. ՀՀ վարչապետ
2 րոպեի ընթերցում
ՍՈՉԻ, 24 ՓԵՏՐՎԱՐԻ, ԱՐՄԵՆՊՐԵՍ:Ռուսական կողմը բարձր է գնահատում Մաքսային միությանը և միասնական տնտեսական տարածքին հայաստանի միանալու«Ճանապարհային քարտեզ»-ովնախատեսված միջոցառումների իրականացման ընթացքը: Այդ մասին ՌԴ վարչապետ Դմիտրի Մեդվեդևի հետ հանդիպումից հետո լրագրողների հետ զրույցում նշեց ՀՀ վարչապետ Տիգրան Սարգսյանը:
«Արձանագրվեցին այն միջոցառումները, որոնք հայկական կողմն արդեն իրականացրել է: Քննարկվեցին նաև հարցեր, թե ինչպես Ռուսաստանը մեզ պետք է օժանդակի, որպեսզի«Ճանապարհային քարտեզ»-նավելի արդյունավետ ներդրվի, որովհետև անհրաժեշտ են նաև դրամաշնորհային միջոցներ, որոնք տրամադրվելու են ենթակառուցվածքների ձևավորմանը, տվյալների միասնական բազայի ստեղծմանը, ինչպես նաև, որպեսզի ունենանք միասնական ցանցեր: Այդտեղ մենք ակնկալում ենք մեր գործընկերների օժանդակությունը»,-«Արմենպրես»-ի փոխանցմամբ՝ասաց ՀՀ վարչապետը:
Պատասխանելով հարցին, թե ինչ ծավալի դրամաշնորհային միջոցների մասին է խոսքը՝ Տիգրան Սարգսյանը նշեց, որ այդ ցուցանիշները կներկայացվեն բանակցությունների ավարտից հետո:
ՀՀ արտաքին գործերի նախարարի տեղակալ Շավարշ Քոչարյանն ասաց, որ Հայաստանն արդեն իսկ իրականացրել է«Ճանապարհային քարտեզ»-ով նախատեսված միջոցառումների 50 տոկոսը:
ՀՀ վարչապետի գլխավորած կառավարական պատվիրակությունն աշխատանքային այցով գտնվում էր ՌԴ Սոչի քաղաքում: