1 րոպեի ընթերցում
ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: ՌԴ-ի նախագահ Վլադիմիր Պուտինը գլխավորել Է Համառուսաստանյան ժողովրդական ճակատը (ՀԺՃ): Նա ընտրվել Է ՀԺՃ-ի՝ հունիսի 12-ին Մոսկվայում անցկացված համագումարում, հաղորդում Է «Արմենպրես»-ը՝ հղում անելով ռուսական ԶԼՄ-ներին:
Պետության ղեկավարը շնորհակալություն Է հայտնել համագումարի մասնակիցներին «ե՛ւ աջակցության, ե՛ւ վստահության համար, այդ թվում՝ մեկ տարի առաջ նախընտրական արշավի ընթացքում սատարելու համար»: Վլադիմիր Պուտինի խոսքով՝ Ժողովրդական ճակատը պետք Է դառնա հասարակական շարժում, որպեսզի բոլոր քաղաքացիները հնարավորություն ունենան «առաջադրել իրենց ժողովրդական խնդիրները, հասնել դրանց կատարմանը, տեղից շարժել այն հարցերը, որոնք երբեմն խեղդվում են բյուրոկրատական ճահճում, ուղղակիորեն ներկայացնել իրենց առաջարկությունները, որոնք հետո կդառնան օրենքներ ու պետական որոշումներ»:
Համառուսաստանյան ժողովրդական ճակատի համագումարի պատվիրակները նաեւ միաձայն քվեարկել են շարժման անվանումը փոխելու օգտին: Այժմ ՀԺՃ-ն կանվանվի «Ժողովրդական ճակատ՝ հանուն Ռուսաստանի»:
Համառուսաստանյան ժողովրդական ճակատը հասարակական կազմակերպությունների, քաղաքական կուսակցությունների եւ քաղաքացիների կամավոր միավորում Է: