Հայաստան-Սիրիա օդային հաղորդակցությունը կվերականգնվի. Դամասկոս-Ղամիշլի-Երևան

2 րոպեի ընթերցում

ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Սիրիան Հայաստանի հետ կապող նոր չվերթ կբացվի, որը կիրականացվի Դամասկոս-Ղամիշլի-Երևան երթուղով: Այս մասին«Արմենպրես»-ի հետ զրույցում հայտնեց «Սիրիական ավիաուղիներ»-ի երևանյան գրասենյակի մենեջեր Սվետլանա Հովհաննիսյանը:«Առաջին չվերթը նախատեսվում է ապրիլի 16-ին, ուղևորների թիվը դեռ հստակ չէ, տոմսերի մեծ մասը, սակայն, ամրագրված է»,-ասաց Հովհաննիսյանը` հավելելով, որ դեռևս հստակ չէ նաև Դամասկոս-Ղամիշլի-Երևան ավիատոմսերի գինը: Դատելով ամրագրված տոմսերից` մեծ է Սիրիայից եկողների և շատ ավելի փոքր` գնացողներիթիվը:

Հալեպ-Երևան չվերթները դեռևս 2012թ. հուլիսին արժեին 118 600 դրամ` մեկ ուղղությունը, եւ 210 300 դրամ` երկու ուղղությամբ: Իսկ այս տարի մինչ չվերթների փակումը դեպի Սիրիա տոմսերն արժեցել են շուրջ 165 հազար` միայն մեկ ուղղությամբ, իսկ երկկողմը` շուրջ 248 հազար դրամ:

Հայաշատ Հալեպը յուրատեսակ թակարդի մեջ էր հայտնվել. ցամաքային ճանապարհները վտանգավոր են քաղաքից դուրս գալու համար, իսկ օդանավակայանը փակ է: Օդանավակայանի մոտակայքում կառավարական ուժերը ցանկանում են վերահսկողություն հաստատել, սակայն ընդդիմադիրներն արդեն իսկ գրավել են մի քանի շրջաններ: Դեպի Հալեպ չվերթների դադարեցումից հետո «Սիրիական ավիաուղիներ» ընկերությունն իրականացնում էրԴամասկոս-Լաթաքիա-Երևան չվերթներ, որոնք եւս անժամկետ դադարեցվել էին:Պարբերական դարձած այդ չվերթներից վերջինը կայացել է փետրվարի 5-ին: Երևան ժամանող ուղևորների թիվը եղել է 75, իսկ մեկնողներինը՝ 13: Ինչ վերաբերում է դեպի Հալեպ կատարվող չվերթների վերականգնմանը, ապա այդ կապակցությամբ «Սիրիական ավիաուղիներ»-ը դեռ ոչ մի նորություն չունի:

Հայերեն English Русский

Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը