1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը նոյեմբերի 14-ին Նովո Օգարեւոյի իր նստավայրում ընդունել Է Ֆրանսիայի նախկին նախագահ Նիկոլա Սարկոզիին, հաղորդում Է «Արմենպրես»-ը՝ հղում անելով ՌԻԱ «Նովոստիին»:
«Ինձ հաճելի Է, որ դու Մոսկվա գալու առիթ ես գտնում: Հաճույքով եմ հիշում այն ժամանակները, երբ մենք համատեղ աշխատում Էինք սուր, լուրջ հիմնախնդիրների լուծման վրա՝ կապված մեր երկրների միջեւ, Ռուսաստանի եւ Եվրոպայի միջեւ հարաբերությունների զարգացմանը»,-ասել Է Պուտինը՝ բացելով հանդիպումը:
Իր հերթին Սարկոզին նշել Է, որ Ռուսաստանը Եվրոպայի բնական գործընկերն Է: «Մենք նույն աշխարհամասին ենք պատկանում եւ միասին կարող ենք շատ բան անել»,-հավելել Է նա: Սարկոզիի խոսքով՝ երկու երկրների հարաբերություններում եղել են նաեւ դժվարին պահեր, բայց ամեն անգամ դրանք հաջողվել Է հաղթահարել վստահության եւ բարեկամության շնորհիվ:
Պուտինի եւ Սարկոզիի հանդիպումը շարունակվել Է առանց մամուլի ներկայացուցիչների: