1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանը կշարունակի պահպանել ՄԱԿ-ի սկզբունքները` սիրիական հարցի եւ Իրանի միջուկային ծրագրի խնդիրների վերաբերյալ: Այս մասին հոկտեմբերի 10-ին հայտարարել է Ռուսաստանի Դաշնության արտաքին գործերի նախարար Սերգեյ Լավրովը:Ինչպես հաղորդում է «Արմենպրես»-ը` վկայակոչելով արաբական լրատվամիջոցները, նախարարն ասել է, որ այդ սկզբունքներն դեմ են խնդիրները կարգավորելու նպատակով ուժի կիրառմանը, երկրների ղեկավարությունների ինքնիշխանությունն անտեսելուն եւ երկրների ներքին գործերում օտար միջամտություն իրականցնելու գաղափարին:
«Մենք պնդում ենք հետեւել միջազգային կանոններին եւ շարունակել ուղիներ որոնել` խաղաղ ճանապահով լուծելու սիրիական ճգնաժամը եւ Իրանի միջուկային ծրագրի հետ առնչվող խնդիրները»,- նշել է Լավրովը:
Ավելի վաղ Լավրովը կոչ էր արել Թուրքիային եւ Սիրիային` թուրք-սիրիական սահմանին տիրող լարված իրադրությունը մեղմելու համար ուղիղ կապ հաստատել միմյանց հետ: