1 րոպեի ընթերցում
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Հայաստանի կառավարությունը ՀՀ Ազգային Ժողովի Հանրապետական խմբակցության պատգամավոր Ռաֆիկ Գրիգորյանին հաստատեց Գեղարքունիքի մարզպետի պաշտոնում: «Արմենպրես»-ի փոխանցմամբ՝ կառավարության նիստում ՀՀ վարչապետ Տիգրան Սարգսյանը շնորհավորեց Գրիգորյանին պաշտոնավարելու կապակցությամբ և մաղթեց հաջողություններ:
«Մենք համոզված ենք, որ պարոն Գրիգորյանը կկարողանա ամբողջությամբ իրականացնել մարզպետի աշխատանքները»,- ասաց Տիգրան Սարգսյանը:
ՀՀ Գեղարքունիքի մարզպետի պաշտոնում Գրիգորյանը փոխարինելու է «Բարգավաճ Հայաստան» կուսակցության ներկայացուցիչ Նվեր Պողոսյանին, ով պաշտոնից ազատվել է ԲՀԿ-ի՝ կոալիցիոն կառավարությանը մաս չկազմելու պատճառով: Ռաֆիկ Գրիգորյանը 1999-2003 թ.թ. եղել է Գեղարքունիքի փոխմարզպետ: