1 րոպեի ընթերցում
ՄՈՍԿՎԱ, 7 ՄԱՐՏԻ, ԱՐՄԵՆՊՐԵՍ: Ռուսաստանի Դաշնության վարչապետ Վլադիմիր Պուտինը Խոդորկովսկու եւ Լեբեդեւի դատավճիռն արդարացված է համարում: Ինչպես հաղորդում է «Արմենպրես»-ը, վկայակոչելով ԻՏԱՌ-ՏԱՍՍ-ը, լրագրողների հետ հանդիպմանը Պուտինը նշել է, որ դատավճիռն ուժի մեջ է մտել, սակայն կան օրենքով նախատեսված միջոցառումներ, որոնք կապված են հնարավոր ներման հետ: Պուտինը հիշեցրել է, որ գործող նախագահի հրահանգով` մարդու իրավունքների պաշտպանության կոմիտեն զբաղվում է այդ հարցով եւ դատախազությանը տրված է համապատասխան հանձնարարությունը: Պուտինը հիշեցրել է, որ կան բազմաթիվ այլ դատապարտյալներ, ովքեր պատիժն են կրում տնտեսական օրինախախտման համար, սակայն նրանց մասին ոչ ոք չի հիշում: