1 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Աշխարհահռչակ շանսոնյե, Շվեյցարիայում ՀՀ դեսպան Շառլ Ազնավուրը շնորհակալական նամակ է հղել Ֆրանսիայի նախագահ Նիկոլա Սարկոզիին: Ինչպես հաղորդում է «Արմենպրես»-ը՝ վկայակոչեկլով Nouvelles d’Armenie-ն, շանսոնյեն մասնավորապես նշել է, որ Ֆրանսիայի Ազգային ժողովի կողմից Հայոց ցեղասպանության ժխտումը քրեականացնող օրինագծի ընդունումն իր մեջ հպարտության և արդարության վերահաստատման զգացում է առաջացնում:
«Դուք բազմիցս նշել եք, որ ժխտողականությունը պետք է դատապարտվի, իսկ խոսքի ազատությունը չի նշանակում պատմական փաստերի շահարկում»,- նշել է Ազնավուրը:
Նա նաև ընդգծել է, որ 500 հազար ֆրանսահայերն այսօր հպարտ են Ֆրանսիայի ԱԺ-ի կողմից ընդունած օրենքի համար:
«Երևան կատարած Ձեր բացառիկ այցի ընթացքում Դուք կոչ արեցիք Թուրքիային՝ սեփական պատմության հետ առերեսվելու համար»,- ասված է նամակում: