Ըստ Իլհամ Ալիևի՝ ԲԹՋ նավթամուղի կառուցումը վկայում է, որ Ադրբեջանը աջակցում է Թուրքիային
1 րոպեի ընթերցում
ԲԱՔՈՒ, 12 ՕԳՈՍՏՈՍԻ, ԱՐՄԵՆՊՐԵՍ: Ադրբեջանի նորանշանակ վարչապետ Իլհամ Ալիևը Բաքու-Թբիլիսի-Ջեյհան նավթամուղի կառուցման սկիզբը հանդիսացող Սենգեչալայի թերմինալի բացման արարողության ժամանակ հայտարարել է, որ Ադրբեջանի «արած այլ քայլերի հետ միասինե Ջեյհան հասնող նավթատարի կառուցումը վկայում է, որ իր երկիրը աջակցում է Թուրքիային: Ըստ Անատոլու գործակալության, արարողությանը մասնակից ադրբեջանցի, թուրք և ռուս լրագրողներին Ալիև-կրտսերն ասել է, որ հեռախոսային խոսակցություն է ունեցել ԱՄՆ-ի Քլիվլենդի հիվանդանոցում գտնվող նախագահ Հեյդար Ալիևի հետ և հավաստիացրել, որ հոր առողջական վիճակը գնալով լավանում է ու հայտնել, որ առայժմ դժվար է ասել, թե նա երբ կվերադառնա Բաքու: Նորանաշանակ վարչապետը կշտամբել է թուրքական մամուլին՝ հոր առողջական վիճակի մասին սխալ տեղեկություններ հաղորդելու համար և ասել, որ իրեն լուրջ համարող տեղեկատվական մարմինները Ադրբեջանի մասին լուրեր հրապարակելիս պետք է «համագործակցեն իրենց հետ և պարզեն, թե ինչ են մտածում իրենք՝ պետական նշանակություն ունեցող այս կամ այն հարցի վերաբերյալե: «Ադրբեջանի մասին սխալ տեղեկությունները մեզ շատ մտահոգում ենե, ասել է Ալիև-կրտսերը: