ԵԱՀԿ Մինսկի խմբի համանախագահները Լյուքսեմբուրգում կհանդիպեն Հայաստանի եւ Ադրբեջանի ԱԳ նախարարներ Է.Նալբանդյանի եւ Է.Մամեդյարովի հետ

ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: ԵԱՀԿ Մինսկի խմբի համանախագահներ Յուրի Մերզլյակովը (Ռուսաստան), Ռոբերտ Բրադկեն (ԱՄՆ) եւ Բեռնար üասիեն (üրանսիա) հոկտեմբերի 25-27-ը Լյուքսեմբուրգում կհանդիպեն Հայաստանի եւ Ադրբեջանի արտգործնախարարներ Էդվարդ Նալբանդյանի եւ Էլմար Մամեդյարովի հետ: Ինչպես «Արմենպրեսե-ին տեղեկացրին ԵԱՀԿ գրասանյակից, համանախագահներն ու երկու երկրների արտգործնախարարները կխոսեն Լեռնային Ղարաբաղի հակամարտության կարգորվորման գործընթացում իրենց հետագա ծրագրերի մասին: Համանախագահները կքննարկեն նոյեմբերին Երեւան եւ Բաքու իրենց հաջորդ այցելությանը վերաբերող հարցեր: «Նրանք կխոսեն նաեւ դեկտեմբերին կայանալիք ԵԱՀԿ արտաքին գործերի նախարարների խորհրդի նիստում Լեռնային Ղարաբաղի հակամարտության քննարկման նախապատրաստական աշխատանքների մասինե,-նշվում է ԵԱՀԿ հաղորդագրության մեջ: ՀՀ ԱԳ նախարար էդվարդ Նալբանդյանն այսօր մեկնել է Լյուքսեմբուրգ` Հայաստան-ԵՄ համագործակցության խորհրդի տասներորդ նիստին մասնակցելու նպատակով: