Պաշտոնական այցով Ստեփանակերտում է Մերձդնեստրի Մոլդովական Հանրապետության արտաքին գործերի նախարարության պատվիրակությունը
1 րոպեի ընթերցում
ՍՏԵՓԱՆԱԿԵՐՏ, 26 ՀՈԿՏԵՄԲԵՐԻ, ԱՐՄԵՆՊՐԵՍ (սեփ. թղթ. Վահրամ Պողոսյան): Եռօրյա պաշտոնական այցով Ստեփանակերտում է Մերձդնեստրի Մոլդովական Հանրապետության արտաքին գործերի նախարարության պատվիրակությունը` ԱԳ նախարար Վլադիմիր Յաստրեբչակի գլխավորությամբ: Ինչպես «Արմենպրեսե-ին տեղեկացրին ԼՂՀ ԱԳՆ մամուլի ծառայությունից, հոկտեմբերի 25-ին մշակութային ծրագրի շրջանակներում հյուրերը ծանոթացել են Տիգրանակերտում իրականացվող պեղումներին, ապա եղել Գանձասարի միջնադարյան վանքում: Այսօր` առավոտյան, պատվիրակությունը ԼՂՀ արտգործնախարար Գեորգի Պետրոսյանի ուղեկցությամբ այցելել է Մեծ հայրենականի եւ ղարաբաղյան պատերազմի նահատակների հիշատակը հավերժացնող հուշահամալիր, ծաղկեպսակներ տեղադրել եւ մեկ րոպե լռությամբ հարգանքի տուրք մատուցել նահատակների հիշատակին: