Հայաստանի ազգային մրցունակության հիմնադրամը բանակցություններ է վարում բելգիական «IBAե կազմակերպության հետ` ձեռք բերելու օնկոլոգիական եւ կարդիոլոգիական հիվանդությունների ախտորոշման ցի

ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ազգային մրցունակության հիմնադրամը բանակցություններ է վարում բելգիական «IBAե կազմակերպության հետ` ձեռք բերելու ցիկլոտրոն սարքը, որը թույլ կտա ախտորոշել եւ բուժել օնկոլոգիական եւ կարդիոլոգիական հիվանդություններ: Ինչպես այսօր հիմնադրամի խորհրդի 12-րդ երկօրյա նիստի ընդմիջմանը նշեց հիմնադրամի գործադիր տնօրեն Բեկոր Փափազյանը, սարքի ձեռքբերումից հետո ýիզիկայի ինստոիտուտի հարեւանությամբ պետք է կառուցվի կլինիկա, որը կառուցելու եւ գործարկելու համար բանակցություններ են տարվում ýիանսիացի բժիշկների հետ. նրանք Հայաստան կգան 2010թ-ի սկզբին: Ցիկլոտրոնն արժի 15 միլիոն եվրո. սարքը ձեռք է բերվելու վարկային միջոցներով: Բելգիական կառավարության քաղաքականությամբ սուբսիդավորվում է իրենց երկրում այն սարքավորումների ձեռքբերումը, որն օգտագործվելու է տնտեսական զարգացման նպատակներով (ոչ թե մասնավոր): Պայմանավորվածության ձեռքբերման պարագայում սարքավորումը Հայաստանին կտարամադրվի 35 տոկոս զեղչով: Կլինիկան կլինի տարածաշրջանում միակը: Բ.Փափազյանի խոսքերով` այդպիսի սարք չունի տարածաշրջանում ոչ մի երկիր, եւ կլինիկայի կառուցումից հետո ակնկալվում է, որ տարածաշրջանի երկրներից եւս օնկոլոգիական եւ կարդիոլոգիական հիվանդությունների ախտորոշման համար կդիմեն կլինիկային: Առողջապահության ոլորտում հիմնադրամի ծրագրերի շրջանակներում 30 միլիոն եվրոյի արժողության միջուկային բժշկության ծրագիրն արդեն մեկնարկել է: