1 րոպեի ընթերցում
ՎԱՇԻՆԳՏՈՆ, 22 ՕԳՈՍՏՈՍԻ. ԱՐՄԵՆՊՐԵՍ: Ադրբեջանի վարչապետ Իլհամ Ալիևը երեկ ժամանել Է ԱՄՆ-ի Քլիվլենդ քաղաք, որտեղ բուժվում Է նրա հայրը՝ հանրապետության նախագահ Հեյդար Ալիևը: Այս մասին ԻՏԱՌ-ՏԱՍՍ-ի թղթակցին հաղորդել են Վաշինգտոնում ադրբեջանական դեսպանությունում: Այնտեղ հաստատել են, որ Իլհամ Ալիևը Օհայոյի նահանգի Քլիվլենդի կլինիկայում այցելել Է հորը՝ Հեյդար Ալիևին: Ադրբեջանի դեսպանությունում առայժմ տեղեկություններ չունեն ԱՄՆ-ում գտնվելու ընթացքում Բուշի վարչակազմի ներկայացուցիչների հետ Իլհամ Ալիևի հնարավոր շփումների մասին: ԱՄՆ-ի պետդեպարտամենտում ԻՏԱՌ-ՏԱՍՍ-ի թղթակցին հաստատել են, որ Քլիվլենդից ադրբեջանական կառավարության ղեկավարը մեկնելու Է Վաշինգտոն, որտեղ նա մի շարք աշխատանքային հանդիպումներ Է ունենալու: