Թուրքիան Իլհամ Ալիևին հրավիրում Է այցով ժամանել Անկարա, որը հավանաբար տեղի կունենա Ադրբեջանի նախագահական ընտրություններից հետո
1 րոպեի ընթերցում
ԱՆԿԱՐԱ, 8 ՕԳՈՍՏՈՍԻ. ԱՐՄԵՆՊՐԵՍ: Թուրքիայի վարչապետ Թայիփ Էրդողանը վերջերս Ադրբեջանի Նախարարների կաբինետի ղեկավար նշանակված Իլհամ Ալիևին պաշտոնական այցով հրավիրել Է Թուրքիա: Ինչպես ԻՏԱՌ-ՏԱՍՍ-ի թղթակցին հաղորդել Է Անկարայում ադրբեջանական դեսպանության մամլո կցորդ Էթիբար Մամեդովը, Անկարա այցելելու բանավոր հրավերը Էրդողանն արել Է Ի.Ալիևի հետ կայացած հեռախոսազրույցի ժամանակ, որը տեղի Է ունեցել նրա վարչապետ նշանակվելուց անմիջապես հետո: Իլհամ Ալիևի Թուրքիա ձեռնարկելիք այցի ժամկետը, ասել Է մամլո կցորդը, համաձայնեցվելու Է դիվանագիտական ուղիներով: Ավելի շուտ, նշել Է դիվանագետը, այն կիրականանա ադրբեջանական պետության ղեկավարի ընտրություններից անմիջապես հետո, որոնք նշանակված են հոկտեմբերին: Ներկայումս Իլհամ Ալիևը գտնվում Է արձակուրդում Ադրբեջանի նախագահի պաշտոնի համար իր թեկնածության առաջադրման կապակցությամբ: Երկրի վարչապետի պարտականությունները ժամանակավորապես կատարում Է փոխվարչապետ Արթուր Ռասի-զադեն: