Մեծի Տանն Կիլիկիո Արամ Ա կաթողիկոսը շնորհավորել է Սերժ Սարգսյանին ՀՀ վարչապետ նշանակվելու կապակցությամբ
1 րոպեի ընթերցում
ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը շնորհավորել է Սերժ Սարգսյանին ՀՀ վարչապետ նշանակվելու կապակցությամբ: Շնորհավորական ուղերձում ասված է. «Սիրելի պրն Ս. Սարգսյան, անհուն ուրախությամբ ողջունում ենք Ձեր նշանակումը` որպես Հայաստանի Հանրապետութեան վարչապետ:Մենք անձամբ ծանոթ ենք Ձեզ եւ Ձեր մեջ տեսել ենք Հայաստանի Հանրապետության ու մեր ժողովրդին նվիրյալ անձի: Արդարեւ, Դուք աշխատունակ ոգով եւ ծրագրված ու հետեւողական կերպով կատարեցիք Ձեզ հանձնված պետական բոլոր պարտավորությունները: Վստահ ենք, որ նույն նախանձախնդրությամբ ու նվիրումով պիտի կատարեք Ձեզ վստահված այս նոր առաքելությունը՝ համագործակցելով ՀՀ նախագահ Ռոբերտ Քոչարյանի հետ: Այս առթիվ վստահեցնում ենք Ձեզ, որ Մեծի Տանն Կիլիկիո կաթողիկոսությունը պիտի շարունակի իր անսակարկ ու ամբողջական զորակցությունը Հայաստանի պետությանը՝ հօգուտ մեր հայրենիքի ու հայրենի ժողովուրդի: Աղոթում ենք առ Ամենաբարին Աստված, որ Ձեզ շնորհի քաջառողջություն եւ վերանորոգ կամք՝ ծառայելու Հայաստանի Հանրապետության ու առավել եւս ամրացնելու նրա դիրքը միջազգային մակարդակի վրաե: