Արամ Ա կաթողիկոսը Լիբանանում Կիպրոսի դեսպանի ուշադրությունն է հրավիրել կղզու թուրքական մասում գտնվող Ս© Մակարա վանքի վիճակին
1 րոպեի ընթերցում
ԱՆԹԻԼԻԱՍ, 17 ՀՈՒՆՎԱՐԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը Լիբանանում Կիպրոսի դեսպանի հետ ունեցած հանդիպմանը վերջինիս ուշադրությունն է հրավիրել կղզու թուրքական մասում գտնվող Ս© Մակարա վանքի վիճակին։ Ինչպես «ԱՐՄԵՆՊՐԵՍե-ին տեղեկացրին Անթիլիասից, կաթողիկոսը նշել է, որ թուրքական իշխանությունն այն փորձում է վերածել ճաշարանի, եւ ինքն այս կապակցությամբ բազմիցս դիմել է ՅՈՒՆԵՍԿՕ-ին: Վեհափառ Հայրապետը եւ դեսպանն անդրադարձել են նաեւ Եվրամիությանը Թուրքիայի անդամակցությանը` այս հարցի կապակցությամբ հայտնելով իրենց հստակ վերապահումը: Հանդիպման ընթացքում քննարկվել են նաեւ Կիպրոսի հայ համայնքին, համայնք- պետություն փոխհարաբերություններին վերաբերող հարցեր: Դեսպանը խորը գնահատանքով է արտահայտվել Կիպրոսի հայության մասին` հայ համայնքը համարելով Կիպրոսի Հանրապետության ամենակենսական տարրերից մեկը։ Նա նաեւ շնորհակալություն է հայտնել Վեհափառ Հայրապետին՝ կիպրական հարցի նկատմամբ միջեկեղեցական շրջանակներում կատարած աշխատանքների համար։