2 րոպեի ընթերցում
ՄԻՆՍԿ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն Համագործակցության մասնակից պետությունների արտաքին քաղաքական գերատեսչությունների պատվիրակությունների ղեկավարների հետ այսօր Մինսկում կայացած հանդիպմանը հայտարարել է, որ «ԱՊՀ-ից հրաժարվելը բացարձակապես անթույլատրելի էե: Ըստ ԲԵԼՏԱ-ի հաղորդման, պետության ղեկավարն ընդգծել է, որ ԱՊՀ-ի շրջանակներում անհրաժեշտ է փոխզիջումների մշտական որոնում: «Այստեղ հիմնական չափանիշը մեր երկրների էկոնոմիկաների ու քաղաքացիների օբյեկտիվ պահանջմունքներն են: Մենք նախեւառաջ դրանով պետք է ղեկավարվենք ինչպես ԱՊՀ-ն բարենորոգելիս, այնպես էլ ամենօրյա ինտեգրացիոն աշխատանքումե,-ասել է Լուկաշենկոն: Ըստ նրա, կազմակերպության 15-ամյակի տարում կարելի է արձանագրել, որ ԱՊՀ- ից ավելի վաղ դրսեւորված չափազանց մեծ ակնկալիքներն անցյալում են մնացել: «Այո, առանձին ուղղություններում ԱՊՀ-ն հետ է մնում հետխորհրդային տարածքի մյուս միավորումներից, սակայն միավորում է մասնակիցների ամենալայն շրջանակ, որոնց համար միշտ չէ, որ դյուրին է գտնել աշխատանքի ընդհանուր ալգոռիթմե,-նշել է Բելառուսի ղեկավարը: Նա համոզված է, որ պետք է էապես բարձրացվի ԱՊՀ-ի միջխորհրդարանական վեհաժողովի դերը: «Հատուկ նշանակություն ունի նաեւ Համագործակցության շրջանակներում փոխգործակցության տեղեկատվական լուսաբանման ընդլայնումը, ինչը կնպաստի ինտեգրացիոն գործընթացներին եւ կազմակերպության միջազգային հեղինակության ու ազդեցության մեծացմանըե,-ընդգծել է նախագահ Լուկաշենկոն: