1 րոպեի ընթերցում
ՄԻՆՍԿ, 28 ՓԵՏՐՎԱՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն այսօր հանդիպում է ունեցել Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժայի հետ: Ինչպես ԲԵԼՏԱ-ին հայտնել են պետության ղեկավարի մամուլի ծառայությունում, ուշադրության կենտրոնում եղել են այս տարվա հունիսին Մինսկում ՀԱՊԿ-ի նիստի նախապատրաստման հարցերը: Ինչպես ընդգծել է Ալեքսանդր Լուկաշենկոն, միջոցառումը պետք է ընթանա շատ բարձր մակարդակով: ՀԱՊԿ-ի գլխավոր քարտուղարը Բելառուսի նախագահին տեղեկատվություն է ներկայացրել կազմակերպության իրավիճակի, ինչպես նաեւ ՀԱՊԿ-ի շրջանակներում Մինսկի հանդիպման նախապատրաստման ընթացքի մասին, որի ժամանակ նախագահությունը փոխանցվելու է Բելառուսին: Նիկոլայ Բորդյուժայի խոսքով, առաջիկա նստաշրջանում «ծրագրվում է քննարկել մի շարք լուրջ հարցերե: Նիկոլայ Բորդյուժան նշել է, որ ՀԱՊԿ-ն նախկին ԽՍՀՄ-ի տարածքի միակ միջազգային կազմակերպությունն է, որը 2006 թվականին ընդունվել է ՄԱԿ-ի տարածաշրջանային կազմակերպությունների հետ փոխգործակցության մշտական կոմիտեի անդամների կազմում: