1 րոպեի ընթերցում
քրիստոնյա-իսլամ երկխոսության հանձնախմբին ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Մեծի Տանն Կիլիկիո կաթողիկոս Արամ Առաջինն այսօր հայրապետական ամառանոցում ընդունել է Լիբանանի քրիստոնյա-իսլամ երկխոսության հանձնախմբին, որի անդամները ներկայացրել են հանձնախմբի կատարած աշխատանքները, նաեւ տեղեկացել են հանձնախմբի առաջիկա անելիքների վերաբերյալ կաթողիկոսի տեսակետներին: Ինչպես հայտնեցին Մեծի Տանն Կիլիկիո կաթողիկոսարանի տեղեկատվական վարչությունից, հանդիպման ընթացքում Արամ Ա կաթողիկոսը կարեւորել է երկխոսությունը շարունակելու եւ այն շոշափելի իրականության վերածելու անհրաժեշտությունը: «Լիբանանը գոյակցության եւ երկխոսության օրինակ է: Այս ընթացքը պետք է շարունակել աշխուժությամբ, փոխադարձ սիրո եւ հարգանքի մթնոլորտում` արեւմտյան երկրներում դառնալով քրիստոնյա-իսլամ գոյակցության վկանե,- նկատել է նա: Նշենք, որ շուրջ մեկ ժամ տեւած հանդիպման ընթացքում անդրադարձ է կատարվել առաջիկա նախագահական ընտրություններին, նաեւ համայնքների միջեւ համակեցություն զարգացնելու հնարավորությանը: