ՀՀ ԿԳՄՍ նախարարն ու Եվրոպական մարմնամարզության պատվիրակությունը քննարկել են Երևանում կայանալիք Եվրոպայի առաջնության նախապատրաստական աշխատանքը

3 րոպեի ընթերցում

Հայաստանի կրթության, գիտության, մշակույթի և սպորտի նախարար Ժաննա Անդրեասյանն ընդունել է Եվրոպական մարմնամարզության (European Gymnastics) պատվիրակությանը՝ քննարկելու 2027 թվականին Երևանում կայանալիք տղամարդկանց և կանանց սպորտային մարմնամարզության Եվրոպայի մեծահասակների առաջնության նախապատրաստական աշխատանքները։ Հանդիպմանը մասնակցել են ԿԳՄՍ նախարարի տեղակալ Տիգրան Սիմոնյանը, Եվրոպական մարմնամարզության գլխավոր տնօրեն Լիզա Վորթմանը, Հայաստանի մարմնամարզության ֆեդերացիայի նախագահ Գագիկ Վանոյանը, ինչպես նաև միջազգային և տեղական գործընկերներ։

«Արմենպրես»-ի փոխանցմամբ՝ ԿԳՄՍ նախարարությունից հայտնում են, որ Ժաննա Անդրեասյանը կարևորել է Եվրոպական մարմնամարզության հետ համագործակցությունը՝ վերահաստատելով ՀՀ կառավարության պատրաստակամությունը՝ աջակցելու առաջնության բարձր մակարդակով կազմակերպմանը։ Նախարարն ընդգծել է միջազգային խոշոր մարզական միջոցառումների անցկացման Հայաստանի փորձը և միջգերատեսչական համագործակցության ձևավորված մեխանիզմները, որոնք կիրառվում են նաև առաջիկա առաջնության նախապատրաստական աշխատանքներում։ Անդրադարձ է կատարվել մարզական ենթակառուցվածքների պատրաստվածությանը, մասնավորապես՝ Ալբերտ Ազարյանի անվան մարմնամարզության նոր մարզադպրոցի կառուցմանը, որի ավարտը նախատեսված է 2027 թվականի մարտին։ Նախարարը նշել է, որ աշխատանքները ԿԳՄՍ նախարարության և Երևանի քաղաքապետարանի մշտական վերահսկողության ներքո են։

Անդրադառնալով մարզաձևի զարգացման հեռանկարներին՝ Ժաննա Անդրեասյանն ընդգծել է, որ Հայաստանը մարմնամարզության հարուստ ավանդույթներ և միջազգային մրցաշարերում բարձր արդյունքներ գրանցած մարզիկներ ունի։ Նրա համոզմամբ՝ Եվրոպայի առաջնության անցկացումը լրացուցիչ խթան կհանդիսանա մարզաձևի զարգացման, երեխաների և պատանիների շրջանում դրա նկատմամբ հետաքրքրության մեծացման և նոր սերնդի մարզիկների ներգրավման համար։ 

Եվրոպական մարմնամարզության գլխավոր տնօրեն Լիզա Վորթմանը շնորհակալություն է հայտնել ՀՀ Կառավարությանը ցուցաբերվող աջակցության համար՝ նշելով, որ նման մասշտաբի մրցաշարի հաջող կազմակերպումը պահանջում է զգալի ֆինանսական, տեխնիկական և կազմակերպչական ռեսուրսներ։ Նա դրական է գնահատել նախապատրաստական աշխատանքների ընթացքը և առանձնակի կարևորել նոր մարզադպրոցի կառուցումը՝ որպես մարզաձևի երկարաժամկետ զարգացման նշանակալի ներդրում։

Միջազգային գործընկերները բարձր են գնահատել նաև հայ մարմնամարզիկների միջազգային հաջողությունները, մարզչական շտաբի և Հայաստանի մարմնամարզության ֆեդերացիայի աշխատանքը։

Հանդիպման ընթացքում քննարկվել են նաև մարզագույքի հետ կապված հարցեր։ Տղամարդկանց և կանանց սպորտային մարմնամարզության մեծահասակների Եվրոպայի 12-րդ առաջնությունը կանցկացվի 2027 թվականի ապրիլի 27-ից մայիսի 2-ը Կարեն Դեմիրճյանի անվան մարզահամերգային համալիրում։

Հայերեն

Դեսպան Մկրտչյանն ու ԱՄՆ Կոնգրեսի Ներկայացուցիչների պալատի անդամները քննարկել են երկկողմ օրակարգի ընթացիկ զարգացումները

Մոսկվան Ուկրաինայի՝ ԵՄ-ին անդամակցությունը կապում է Ռուսաստանի անվտանգության հարցերի հետ

ՀՀ ԿԳՄՍ նախարարն ու Եվրոպական մարմնամարզության պատվիրակությունը քննարկել են Երևանում կայանալիք Եվրոպայի առաջնության նախապատրաստական աշխատանքը

Արմստատն առաջին անգամ հրապարակել է Հայաստանի ստեղծարար տնտեսության վերաբերյալ վիճակագրական տեղեկագիր

«Ուժեղ Հայաստան»-ն արձագանքել է հանրաքվեի վերաբերյալ վարչապետի առաջարկին և հայտնել արտահերթ ընտրությունների գնալու պատրաստակամության մասին

Վրաստանում նոյեմբերի 22-ը սգո օր է հայտարարվել՝ գազի պայթյունի հետևանքով մարդկանց զոհվելու կապակցությամբ

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ