ԱՄՆ ԶՈւ-ն հայտնել է, որ «Ջորջ Բուշ» ավիակիրը վերադարձել է Արաբական ծով

Ամերիկյան «Ջորջ Բուշ» ավիակիրը Թաիլանդից վերադարձել է Արաբական ծով: «Արմենպրես»-ի փոխանցմամբ՝ այս մասին հայտնել է ԱՄՆ զինված ուժերի Կենտրոնական հրամանատարությունը (CENTCOM)։

««Ջորջ Բուշ»-ը պարեկություն է իրականացնում Արաբական ծովում վերջերս Թաիլանդ կատարած այցից հետո։ Ավիակրի անձնակազմը և  5000 զինծառայողները շարունակում են պլանային տեղակայման շրջանակներում մասնակցել Մերձավոր Արևելքում CENTCOM-ի գործողություններին», - նշված է X-ում հրապարակված հաղորդագրության մեջ։

ԱՄՆ ռազմածովային ուժերի «Ջորջ Բուշ» ավիակիրը Մերձավոր Արևելք է ժամանել ապրիլին։ Հոկտեմբերի 4-ին նավում գտնվող զինվորականները մեկնել էին Թաիլանդ՝ Փուքեթի նահանգ, որտեղ անցկացրել են 5 օր: