Ադրբեջանի նախագահն ու Մեծ Բրիտանիայի առևտրի նախարարը քննարկել են պաշտպանության ոլորտում համագործակցությունը
1 րոպեի ընթերցում
Ադրբեջանի նախագահ Իլհամ Ալիևը և Մեծ Բրիտանիայի առևտրի նախարար Անաս Սարվարը քննարկել են անվտանգության և պաշտպանական արդյունաբերության ոլորտներում համագործակցությունը։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին հայտնել է Ադրբեջանի նախագահի պաշտոնական կայքն ու հավելել, որ Ալիևն Անաս Սարվարի գլխավորած բրիտանական պատվիրակությանն ընդունել է հոկտեմբերի 6-ին։
«Հանդիպման ընթացքում քննարկվել են երկու երկրների միջև էներգետիկայի, տնտեսության և առևտրի, բիզնեսի, անվտանգության, պաշտպանական արդյունաբերության, տվյալների կենտրոնների, արհեստական բանականության, գյուղատնտեսության, կրթության և այլ ոլորտներում համագործակցության հեռանկարները», - ասվում է հաղորդագրության մեջ։