ՀՀ ՏԿԵ նախարարն ու «Ճանապարհային դեպարտամենտ»-ի ներկայացուցիչները քննարկել են մի շարք հարցեր

Հայաստանի Հանրապետության տարածքային կառավարման և ենթակառուցվածքների  նախարար Դավիթ Խուդաթյանն աշխատանքային խորհրդակցություն է անցկացրել «Ճանապարհային դեպարտամենտ» հիմնադրամի ներկայացուցիչների հետ։

«Արմենպրես»-ի փոխանցմամբ՝ ՏԿԵ նախարարությունից հայտնում են, որ քննարկվել են հանրապետության տարբեր մարզերում իրականացվող ճանապարհաշինական, նորոգման և պահպանման աշխատանքների ընթացքն ու դրանց արդյունավետության բարձրացումը։

Խորհրդակցության ընթացքում մանրամասն քննարկվել են հիմնանորոգման և միջին նորոգման ընթացիկ ծրագրերը, ինչպես նաև «Հյուսիս-հարավ» ծրագրի իրականացման ընթացքը։

Հատուկ անդրադարձ է կատարվել շինարարական աշխատանքների որակի նկատմամբ խիստ վերահսկողության սահմանմանը և սահմանված ժամկետների անշեղ պահպանմանը:

Նախարարը տրվել է կոնկրետ հանձնարարականներ աշխատանքների համակարգման, առկա խնդիրների արագ արձագանքման և ընթացիկ ռազմավարական ծրագրերի հետևողական իրականացման ուղղությամբ: