Գրոսին կարևորել է Ուկրաինայի հարցով Պուտին-Թրամփ շփումները

2 րոպեի ընթերցում

Ռուսաստանի նախագահ Վլադիմիր Պուտինի և Միացյալ Նահանգների նախագահ Դոնալդ Թրամփի բարձր մակարդակի շփումներն անհրաժեշտ են Ուկրաինայի հակամարտության կարգավորման առաջխաղացման համար: «Արմենպրես»-ի փոոխանցմամբ, այդ մասին «ՌԻԱ Նովոստի»-ին տված հարցազրույցում հայտարարել է ԱԷՄԳ-ի գլխավոր տնօրեն Ռաֆայել Գրոսին։

Մոսկվան և Վաշինգտոնը վերջին շաբաթներին շարունակել են քննարկել կարգավորման հնարավոր ուղիները։ Հիմնական խողովակներից մեկը շարունակում է մնալ Ռուսաստանի ղեկավարության շփումները ԱՄՆ նախագահի հատուկ բանագնացներ Սթիվ Ուիթքոֆի և Ջարեդ Քուշների հետ, որոնք սեպտեմբերին կրկին այցելել են Մոսկվա և բանակցություններ վարել ՌԴ նախագահ Վլադիմիր Պուտինի հետ։

«Կարծում եմ՝ նախագահների մակարդակով դիվանագիտությունն անհրաժեշտ է։ Ես տեսնում եմ ոչ միայն նախագահ Թրամփի, այլև նախագահ Պուտինի ջանքերը, որի հետ այս թեման մի քանի անգամ քննարկել եմ, ինչպես նաև նրա բանակցությունները Մոսկվայում հատուկ բանագնացներ Սթիվ Ուիթքոֆի և Ջարեդ Քուշների հետ։ Կարծում եմ՝ սա չափազանց կարևոր է», - ասել է Գրոսին։

Նրա խոսքով՝ պայմանավորվածությունների հասնելու համար բանակցային գործընթացում այս կամ այն ձևաչափով պետք է ներգրավված լինի նաև Վլադիմիր Զելենսկին։

Հարցին, թե, Գրոսիի կարծիքով, որտեղ նպատակահարմար կլինի անցկացնել Ռուսաստանի և Ուկրաինայի միջև բանակցությունները, նա վստահություն է հայտնել, որ խաղաղ գործընթացի մասնակիցները պետք է ինքնուրույն որոշեն բանակցությունների ձևաչափն ու երկխոսության հարթակը։

Ռուսաստանի և ԱՄՆ-ի միջև վերջին շփումները տեղի են ունեցել սեպտեմբերի 28-ին Վաշինգտոնում, ուր ժամանել էր ՌԴ նախագահի՝ արտերկրի հետ ներդրումային և տնտեսական համագործակցության հարցերով հատուկ ներկայացուցիչ Կիրիլ Դմիտրիևը։ Սպիտակ տանը РИА Новости-ին հայտնել են, որ Դմիտրիևը և ամերիկացի պաշտոնյաները շարունակել են քննարկել Ուկրաինայում կարգավորման հարցը, ինչպես նաև հակամարտության ավարտից հետո ռուս-ամերիկյան հնարավոր էներգետիկ նախաձեռնությունները։

Հայերեն Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել