363.52
Իրանի նախագահն օգնություն է առաջարկել Եմենում հակամարտության կարգավորման գործում
1 րոպեի ընթերցում
Իրանը կարող է օգնել լուծել Սաուդյան Արաբիայի և Սանայից կառավարվող հութի ապստամբների միջև հակամարտությունը։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին «Ալ Ջազիրա»-ին ասել է Իրանի նախագահ Մասուդ Փեզեշքիանը։
«Մենք կարող ենք օգնել լուծել Սաուդյան Արաբիայի և Եմենի միջև հակամարտությունը՝ առանց պատերազմ հրահրելու», - նշել է նա։
Իրանի նախագահի խոսքով՝ Եմենում տեղի ունեցողը կապված չէ Իրանի հետ, սակայն Թեհրանը ճնշվողների կողքին է։
Իրանի նախագահը կարծում է, որ Սաուդյան Արաբիան ունակ է դեր խաղալ իսլամական աշխարհի միավորման գործում։
Հութիների և Սաուդյան Արաբիայի միջև հակամարտությունը սրվել է օգոստոսի կեսերին, երբ Էր Ռիադն աջակցել է կառավարամետ ուժերի գործողություններին՝ ուղղված հութիների դեմ: Հութիների խոսքով՝ Սաուդյան Արաբիան սեպտեմբերին Եմենի ուղղությամբ իրականացրել է ավելի քան հազար հարված: Ի պատասխան՝ հութիները հրետակոծում են Սաուդյան Արաբիայի հարավային քաղաքները և արևմուտքում գտնվող Saudi Aramco-ի օբյեկտները:
Բաժանորդագրվեք մեր ալիքին Telegram-ում