363.38
Լավրովը և Արաղչին նշել են, որ իրանական ճգնաժամի խաղաղ կարգավորումն այլընտրանք չունի
1 րոպեի ընթերցում
Ռուսաստանի արտաքին գործերի նախարար Սերգեյ Լավրովը և նրա իրանցի պաշտոնակից Աբբաս Արաղչին ընդգծել են, որ ԱՄՆ-ի և Իսրայելի կողմից հրահրված ճգնաժամի դիվանագիտական կարգավորումն այլընտրանք չունի։ «Արմենպրես»-ի փոխանցմամբ՝ այս մասին ասվում է Ռուսաստանի արտաքին գործերի նախարարության հաղորդագրության մեջ՝ նվիրված ՄԱԿ-ի Գլխավոր ասամբլեայի 81-րդ նստաշրջանի բարձր մակարդակի շաբաթվա շրջանակում կայացած հանդիպման արդյունքներին։
«Քննարկվել են տարածաշրջանային և միջազգային հրատապ խնդիրներ՝ շեշտը դնելով Իրանի շուրջ իրադրության զարգացման վրա։ Ընդգծվել է, որ ԱՄՆ-ի և Իսրայելի անօրինական գործողությունների հետևանքով առաջացած ճգնաժամի դիվանագիտական կարգավորումն այլընտրանք չունի», - նշել են ՌԴ դիվանագիտական գերատեսչությունում։
Զրուցակիցները նաև անդրադարձել են երկկողմ համաձայնությունների իրականացմանը, որոնք ձեռք են բերվել սեպտեմբերի 1-ին Բիշքեկում նախագահների հանդիպման արդյունքներով։
«Նախարարները ստուգել են տարբեր մակարդակներով ռուս-իրանական առաջիկա շփումների ժամանակացույցը»,- հավելել են ՌԴ ԱԳՆ-ում:
Բաժանորդագրվեք մեր ալիքին Telegram-ում