Քուշներն ու Ուիթքոֆը Աբու Դաբիի բանակցություններից առաջ կհանդիպեն Ուկրաինայի և նրա գործընկերների ներկայացուցիչներին

ԱՄՆ նախագահի հատուկ բանագնացներ Ջարեդ Քուշներն ու Սթիվ Ուիթքոֆը Աբու Դաբիում նոյեմբերի 10–11-ին նախատեսված եռակողմ բանակցություններից առաջ կհանդիպեն Ուկրաինայի, Եվրամիության, ՆԱՏՕ-ի, Գերմանիայի, Ֆրանսիայի, Միացյալ Թագավորության և Իտալիայի ներկայացուցիչների հետ։ «Արմենպրես»-ի փոխանցմամբ՝ այս մասին հաղորդում է Associated Press-ը։

Ուկրաինայի բանակցային պատվիրակության ղեկավար Ռուստեմ Ումերովը հայտնել է, որ պատվիրակությունն արդեն մեկնել է Աբու Դաբի։ Նրա խոսքով՝ եռակողմ բանակցությունների օրերին ուկրաինական կողմն առանձին հանդիպումներ կանցկացնի նաև եվրոպացի գործընկերների հետ՝ դիրքորոշումները և հետագա քայլերը համաձայնեցնելու համար։

Աբու Դաբիում նոյեմբերի 10–11-ին նախատեսված բանակցություններին կմասնակցեն Ուկրաինայի, Ռուսաստանի և ԱՄՆ-ի պատվիրակությունները։ Ուիթքոֆի փոխանցմամբ՝ կողմերը կքննարկեն հետպատերազմյան անվտանգության պայմանավորվածությունները, լարվածության նվազեցման քայլերը, մարդասիրական հարցերն ու պատերազմի ավարտի ուղիները։ Սա փետրվարից ի վեր եռակողմ բանակցությունների առաջին փուլն է։