Միխայիլ Գալուզին ու Գուրգեն Արսենյանը քննարկել են Հայաստան-Ռուսաստան հարաբերությունների հեռանկարները

Ռուսաստանի արտաքին գործերի նախարարի տեղակալ Միխայիլ Գալուզինը հանդիպել է Ռուսաստանում Հայաստանի արտակարգ և լիազոր դեսպան Գուրգեն Արսենյանի հետ։ «Արմենպրես»-ի հաղորդմամբ՝ այս մասին հաղորդագրություն է տարածել ՌԴ ԱԳ նախարարությունը։

Կողմերը մտքեր են փոխանակել երկկողմ հարաբերությունների արդիական հարցերի, ինչպես նաև եվրասիական ինտեգրացիոն միավորումների շրջանակում Մոսկվայի և Երևանի փոխգործակցության շուրջ։

Գալուզինը և Արսենյանը հաստատել են միջպետական երկխոսության շրջանակում հայ-ռուսական հարաբերությունների հեռանկարների առարկայական քննարկումը շարունակելու փոխադարձ պատրաստակամությունը։