1 րոպեի ընթերցում
Մոսկվայում անցկացվել է ռետրո տրամվայների աշնանային շքերթ, որի շրջանակում Ռուսաստանի մայրաքաղաքի փողոցներով անցել է տարբեր սերունդների 18 հին տրամվայներից բաղկացած շարասյուն։
«Արմենպրես»-ի թղթակցի փոխանցմամբ՝ միջոցառման այցելուների համար կազմակերպվել են ինտերակտիվ գոտիներ, թեմատիկ քվիզ, ինչպես նաև ռետրո-ֆոտոգոտի, որտեղ ցանկացողները լուսանկարվելու և անմիջապես լուսանկարները տպելու հնարավորություն են ունեցել։
Երեխաների համար նախատեսված են եղել անիմացիոն ծրագրեր, ինտերակտիվ խաղեր և վարպետության դասեր։ Շքերթի մշակութային ծրագրի շրջանակում ելույթ են ունեցել «Երաժշտություն մետրոյում» նախագծի արտիստները և Մոսկվայի մետրոպոլիտենի ակադեմիական երգչախումբը։