361.33
Իտալիայի կառավարությունը բողոքի ակցիաների ֆոնին օգնություն է հատկացնում վարորդներին, ֆերմերներին և ձկնորսներին
2 րոպեի ընթերցում
Իտալիայի կառավարությունը հաստատել է ճանապարհային փոխադրումների, գյուղատնտեսության և ձկնորսության ոլորտներին տրամադրվող արտակարգ օգնության մասին հրամանագիր՝ ի պատասխան վառելիքի գների շուրջ ծագած և երկրի հարավում տարածված զանգվածային բողոքի ակցիաների։ Այդ մասին տեղեկացնում է «Արմենպրես»-ը՝ վկայակոչելով Euronews-ը։
Փաթեթը ներառում է 60 միլիոն եվրոյի փոխհատուցում՝ վարորդների և ֆերմերների կրած վառելիքի ծախսերի դիմաց։ Ակնկալվում է, որ վճարումները կկատարվեն մեկ ամսվա ընթացքում։
Վարչապետ Ջորջիա Մելոնին հայտարարել է, որ դիմել է ներքին գործերի նախարարին՝ արձագանքելու բեռնափոխադրողների, ֆերմերների և առևտրի ոլորտի ներկայացուցիչների պահանջներին, ապահովելու տեղաշարժի ազատությունը և ապրանքների մատակարարումը ձեռնարկություններին, իսկ դրա արդյունքում՝ նաև քաղաքացիներին։
Զանգվածային բողոքի ակցիաներն ու ցուցարարների կողմից ճանապարհների արգելափակումը լուրջ պարենային և վառելիքային ճգնաժամ են առաջացրել Իտալիայի հարավում. ապրանքները չեն հասնում խանութների դարակներին (, իսկ բազմաթիվ բենզալցակայաններում վառելիքը սպառվել է։
Իտալիայի կառավարությունը հայտարարել է, որ պատրաստ է կառուցողական երկխոսության, սակայն բանակցությունների ձախողման դեպքում պատրաստ է նաև սկսել ճանապարհային արգելապատնեշների ապամոնտաժումը։
Բաժանորդագրվեք մեր ալիքին Telegram-ում