Հրշեջ-փրկարարները բազմաբնակարան շենքում կանխել են հրդեհի տարածումը

Ներքին գործերի նախարարության 112 օպերատիվ կառավարման կենտրոն սեպտեմբերի 6-ին, ժամը 08։00-ին ահազանգ է ստացվել, որ հրդեհ է բռնկվել Երևան քաղաքի Արարատյան փողոցի շենքերից մեկի բնակարանում։

«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ ՆԳՆ փրկարար ծառայությունը։ 

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից հինգ մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ ու Հոգեբանական աջակցության և բժշկական ապահովման վարչության հերթապահ խմբերը։

Հրդեհը մեկուսացվել է ժամը 08։26-ին, մարվել՝ 08։37-ին։

Այրվել է 7-րդ հարկի բնակարաններից մեկի մոտ 8 քմ հատվածը և մոտ 10 գմ մալուխ։

Հոգեբանական աջակցություն է ցուցաբերվել 3 քաղաքացու։

Փրկարարները տարհանել են բնակիչներին։