Սիրիան և Իսրայելը բարձր մակարդակի բանակցություններ են անցկացրել

3 րոպեի ընթերցում

Սիրիան և Իսրայելը օգոստոսի 23-ին Հորդանանում ԱՄՆ-ի միջնորդությամբ բարձր մակարդակի բանակցություններ են անցկացրել՝ նպատակ ունենալով թուլացնել լարվածությունը Սիրիայի տարածքի նկատմամբ իսրայելական վերջին հարվածներից հետո։ Ինչպես հաղորդում է «Արմենպրես»-ը, այս մասին հայտնում է Սիրիայի պետական SANA լրատվական գործակալությունը՝ վկայակոչելով արտաքին գործերի նախարարության դիվանագիտական աղբյուրին։

SANA-ի հաղորդմամբ՝ բանակցությունները կենտրոնացած են եղել իսրայելական հարվածները, ձերբակալություններն ու թիրախային գործողությունները դադարեցնելու գործնական մեխանիզմների, ինչպես նաև անվտանգության համաձայնագրի շուրջ բանակցությունները վերսկսելու հարցերի վրա։ Այդ համաձայնագիրը կարող է հիմք ստեղծել ապագայում ավելի լայն պայմանավորվածության համար։

Կողմերը քննարկել են նաև Իսրայելի և Թուրքիայի միջև լարվածությունը թուլացնելու և նրանց միջև մրցակցությունը Սիրիայի տարածք չտարածվելու ուղղությամբ իրականացվող ջանքերը։

SANA-ի հաղորդմամբ, օգոստոսի 23-ի հանդիպման ժամանակ Սիրիան հայտարարել է, որ իր առաջնահերթ խնդիրներն են մնում իսրայելական ուժերի դուրսբերումը մինչև 2024 թվականի դեկտեմբերի 8-ին Բաշար ալ-Ասադի իշխանության տապալումից առաջ զբաղեցրած դիրքերը և 1974 թվականի ուժերի անջատման համաձայնագրի ամբողջական վերականգնումը։

Դամասկոսը նաև իսրայելական պատվիրակությանը հայտնել է, որ չի ընդունի այնպիսի պայմանավորվածություններ, որոնք կսահմանափակեն իր զինված ուժերը վերականգնելու և զարգացնելու, ինչպես նաև իր դաշինքներն ու գործընկերությունները որոշելու իրավունքը։

SANA-ի հաղորդմամբ՝ Սիրիան կրկին ընդգծել է, որ Իսրայելի կողմից օկուպացված Գոլանի բարձունքները սիրիական տարածք են, սակայն նշել է, որ տարածաշրջանի վերջնական կարգավիճակի շուրջ քննարկումները դեռ վաղաժամ են։

Սիրիայի արտաքին գործերի նախարար Ասադ ալ-Շայբանին օգոստոսի 22-ին Reuters-ին հայտնել էր, որ Դամասկոսն ակնկալում է, որ Իսրայելի հետ անվտանգության շուրջ բանակցությունները շուտով կվերսկսվեն, թեև նշել էր, որ երկու կողմերի միջև վստահության պակաս կա։

Բանակցությունները դադարեցվել էին Իրանի դեմ պատերազմի սկսվելուց հետո։ Շայբանիի խոսքով՝ Սիրիան ամբողջությամբ դադարեցրել էր կապը Իսրայելի հետ անցյալ շաբաթ Սիրիայի Աբու ալ-Դուհուր ավիաբազային իսրայելական հարվածներից հետո։

Շայբանին ասել է, որ տարվա սկզբին կողմերը թղթի վրա համաձայնության էին եկել «գրեթե ամեն ինչի», այդ թվում՝ հարավային Սիրիայում անվտանգության գոտիների ստեղծման և բուֆերային գոտու վերաբերյալ պայմանավորվածությունների շուրջ։ Սակայն սիրիական կողմը կասկածում է, որ Իսրայելը պատրաստ է իրականացնել այդ համաձայնագիրը։

Հայերեն العربية English Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ